L’onn 2007 èn cineastas e cineasts rumantschs sa mess ensemen per furmar ina gruppa d’interess. L'uniun “Cineasts Rumantschs” ha la finamira da rinforzar il film rumantsch en general ed oravant tut era da promover sia preschientscha en autras regiuns linguisticas.

L'uniun vul esser in organ da lobbying e da communicaziun e vul pussibilitar a las auturas ed als auturs rumantschs da profitar da la ritgezza da las differentas experientschas a l’intern da l’uniun. Ella s’engascha per stgaffir cundiziuns da producziun che permettan da realisar films independents en lingua rumantscha per la televisiun ed era per il kino. L'uniun represchenta las auturas ed ils auturs en dumondas strategicas e praticas e s’enclegia sco organ da communicaziun envers la SRG SSR, la secziun film da l'Uffizi federal da cultura e l'Uffizi da cultura dal chantun Grischun.

Commembranza

Nossas commembras e noss commembers èn cineastas e cineasts rumantschs (auturas ed auturs da films, scenaristas e scenarists, reschissuras e reschissurs). Per pudair crear ina rait pli vasta, pon era autras persunas da la branscha da film che han in connex cun il film rumantsch daventar commembras u commembers.

Dumondas per commembranzas èn da trametter per plaschair a: info@cineasts.ch

Suprastanza

President: Casper Nicca // Suprastanza: Manuela Steiner, Manuela Morgenthaler, Mario Theus