MENGA HUONDER-JENNY – Reschissura, producenta, actura
Menga Huonder-Jenny è naschida ad Andeer en il chantun Grischun. Suenter la matura ha ella fatg in studi d’actura a la Hochschule für Musik und darstellende Kunst a Graz en l’Austria. Suenter ha ella lavurà plirs onns a differents teaters en Svizra ed en Germania. Pli tard ha ella studegià a la Deutsche Film- und Fernsehakademie a Berlin. Dapi lura lavura ella tant sco cineasta sco era sco teatrista. Per ses film “Frau im Schatten” ha ella survegnì il premi principal dal festival da film da Spiez, per “Berlintaxi” il premi dal festival Interfilm a Berlin. Dapi 2003 realisescha ella films documentars rumantschs per Radiotelevisiun Svizra Rumantscha RTR. Il film “Dunnas a chatscha – Bündner Frauen auf der Jagd” è vegnì mussà a numerus festivals da film en Svizra ed a l’ester. Adina puspè collavurescha ella era cun Silvio Huonder, tant per il film sco era per il teater. Uschia han els creà ensemen il gieu festiv “rAmurs: Lärm und Liebe im Schams” ed il toc da teater “Alma und ihre Männer”.
mengamedia@t-online.de