Gourmet – Tarlischur e sgarschur
2021, film documentar, 25 min.

«Quellas stailas, quai è super bel d’avair e quellas na vul ins betg perder.» En la documentaziun «Gourmet – tarlischur e sgarschur» raquintan trais cuschinierAs rumantschAs da renum da lur experientschas. Tge che las stailas ed ils puncts portan, quant impurtantas che quellas valitaziuns èn per ils/las cuschinierAs e tge varts negativas ch’i dat.

Cun trais stailas da Michelin e 19 puncts da Gault Millau tutga Andreas Caminada en la Tumleastga tar ils megliers. Ma en cuschina è el pauc, sche, lura oravant tut per lavurar vi da novas creaziuns. Uschiglio è el manager ed ha tut ils fils enta maun. Dario Cadonau ha ina staila e 17 puncts. Igl engiadinais ha gugent tut sut controlla, el è da la damaun enfin la saira al lieu e sch’i fa basegns porta el era las valischs dals osps. In onn suenter che Flurina e Michael Häsch-Maissen han surpiglià l’ustaria han els survegnì 13 puncts. Quels han chaschunà sentiments maschedads tar ils gastronoms da Mustér.

Ils guids – Micheline e Gault Millau èn las pli impurtantas premiaziuns en la scena da gourmet. Per ils/las cuschinierAs san quellas valitaziuns decider sur da success e carrieras, dentant crescha cun quellas era il squitsch e las spetgas da tuttas varts.

Reschia: Manuela Morgenthaler
Producziun: LEGRIA Productions, Radiotelevisiun Svizra Rumantscha

Verer sün Play RTR